Sabtu, 13 Desember 2014

Panji Laras lan Panji Liris


Pas wektu kuwi ana mala petaka ing Kerajaan Majapahit. Perang sadulur nyebabake kerajaan Majapahit dadi kerajaan kang kropos, akeh penyakit, lan wis gak nduwe wibawa maneh. Nanging Adipati Kediri malah nganggep yen kuwi kesempatan kanggo ngrebut kekuwasaan Majapahit. Banjur panjenengane nggawe tak tik yaiku njodohake putrine kaliyan putrane Bupati Lamongan. Amerga ya cocok banget Bupati Lamongan nduweni putra kembar ingkang nama Panji Laras lan Panji Liris. Lan Adipati Kediri ya nduweni putri kembar ingkang nama Dewi Andansari lan Dewi Andanwangi. Adipati Kediri nduweni tujuwan Supaya gampang olehe ngrebut kekuwasaan.
            Kekarepane Adipati Kediri mau gawe Bupati Lamongan bingung, yen ditrima bakal gampang olehe  Adipati Kediri nggulingna Kerajaan Majapahit nanging yen gak ditrima Adipati Kediri bakal gawe rusuh mesti bakal bales dendam. Perkara kuwi mau dipikir temenan kaliyan Bupati Lamongan banjur panjenengane nduweni idhe yaiku bakal nrima lamaran kuwi nanging kaliyan telu syarat kanggo nguji Adipati Kediri sepira ketemenane niate. Syarat kuwi ingkang nomer siji yaiku ngongkon Dewi Andansari lan Dewi Andanwangi supaya melbu agama islam. Nomer loro keluwarga ingkang wadon kang dikongkon nglamar. Ingkang pungkasan yaiku gawa gentong banyu lan tikar digawe saka watu. Syarat kuwi mau ditrima kaliyan Adipati Kediri kanthi rasa bungah.
           Wayah lamaran kuwi Dewi Andansari lan Dewi Andanwangi diiring kaliyan rombongan saka Kediri. Banjur Panji Laras lan Panji Liris dikancani kaliyan Ki Patih Mbah Sabilan diprintah bapakne kanggo nitek putri Kediri mau ing bates Kota Lamongan. Pas wektu kuwi ing Lamongan lagi ana banjir gedhe dadi Dewi Andansari lan Dewi Andanwangi nyincing rokke nganti sak pikang supaya ora teles. Cilakane nalika kuwi Panji Laras lan Panji Liris ngerti yen pikange putri Kediri kuwi mau akeh wulune kaya wulune jaran. Panji Laras lan Panji Liris langsung nolak lamaran kuwi lan ngajak supaya rencana nikahan dibatalake.
            Krungu kang kaya mengkono Dewi Andansari lan Dewi Andanwangi ngrasa yen dihina diisin-isinake. Banjur putri loro iku langsung bunuh diri ing ngarepe Panji Laras lan Panji Liris. Adipati Kediri lan rombongane weroh yen Dewi Andansari lan Dewi Andanwangi dihina banjur langsung pingin bales dendam, pinging ndhang cepet-cepet mateni Panji Laras lan Panji Liris. Akhire perang nganti ruwame nalika Panji Laras lan Panji Liris meh dipateni Ki Patih Mbah Sabilan langsung nyegati. Banjur panjenengane sing kenek senjatane rombongan Kediri nganti ninggal. Amerga Panji Laras lan Panji Liris gak trima yen patihe dipateni panjenengane langsung milu bunuh diri ing kana.
            Rombongan Adipati Kediri isih durung puwas nalika rampung mateni Panji Laras Panji Liris lan Ki Patih Mbah Sabilah. Rombongan kuwi isih teka nang pendhapa Kadipaten. Ing kana ana tempur rakaru-karuwan nganti Bupati Lamongan ninggal. Sadurunge Bupati Lamongan kuwi ninggal panjenegane pesen nang kabeh wong Lamongan supaya anak putune ora nikah kaliyan wong Kediri.

Tidak ada komentar:

Posting Komentar