Tembung Lingga, Tembung Andhahan, lan Tembung Rangkep

1. Tembung Lingga

Tembung Lingga yaiku tembung sing durung owah saka asale.

Tuladha: adus, babar, cokot, tuku, turu, tandhur, lsp.

Tembung lingga sing unine mung sakecap diarani tembung wod.

Tuladha: ler, lur, tul, nul, tik, lsp.

2. Tembung Andhahan

Ater-ater

Ater-ater hanuswara (awalan nasal) sing awujud (m-, n-, ng-, lan ny-).

m-        +          bathik             dadi                 mbatik

n-         +          dudut              dadi                 ndudut

ng-       +          kethok             dadi                 ngethok

ny-       +          sikut                dadi                 nyikut

Ater-ater tripurusa sing awujud (dak-, kok-, di-).

dak-     +          pangan             dadi                dakpangan

ko-       +          goreng             dadi                 kogoreng

di-        +          ambung           dadi                 diambung

Ater-ater liyane awujud:

ma-      +          lumpat             dadi                 malumpat

ka-       +          limpe               dadi                 kalimpe

ke-       +          sandhung         dadi                 kesandhung

sa-        +          gegem              dadi                 sagegem

pa-       +          lilah                 dadi                 palilah

pi         +          tutur                dadi                 pitutur

Seselan

Seselan sing awujud –um, -in, -el, lan –er

-um            +          ayu                  dadi                 kemayu

-in              +          gawa                dadi                 ginawa

-el              +          dewer              dadi                 delewer

-er              +          kelip                dadi                 kerelip

Panambang

Panambang sing awujud –i, -ake, -e, -ane, -ke, -a, -ana, -na, -ku, -mu, lan –en.

turut          +          -i          dadi                 turuti

jupuk         +          -ake     dadi                 jupukake

teka           +          -ne       dadi                 tekane

bapak         +          -e         dadi                 bapake

jaluk          +          -ane     dadi                 jalukane

kethok       +          -ke       dadi                 kethokke

turu            +          -a         dadi                 turua

weneh        +          -ana     dadi                 wenehana

gawa          +          -na       dadi                 gawakna

buku          +          -ku       dadi                 bukuku

omah         +          -mu      dadi                 omahmu

lepeh          +          -en       dadi                 lepehen

3. Tembung Rangkep

Tembung Rangkep yaiku sakabehing tembung sing diwaca kaping pindho, bisa sakabehing tembung utawa mung sawanda wae. Tembung rangkep ing basa indonesia diarani kata ulang.

Tembung rangkep ana telung werna, yaiku: 

1. Tembung dwilingga, yaiku tembung-tembung sing diwaca kaping pindho kabeh linggane.

Dwilingga padha swara

Guru-guru

Bapak-bapak

Bocah-bocah

Omah-omah

Dwilingga salin swara

Mloka-mlaku

Mrana-mrene

Wira-wiri

Nongas-nangis

Dwilingga semu

Ondhe-ondhe

Untir-untir

Anggang-anggang

Andheng-andheng

2. Tembung dwipurwa, yaiku tembung-tembung sing diwaca kaping pindho mung wanda sing ngarep.

Tuladha:

Dedunung

Jejupuk

Lelumpuk

leluri

3. Tembung dwiwasana, yaiku tembung-tembung sing diwaca kaping pindho mung wanda sing mburi.

Tuladha:

Cekakak

Cekikik

Cengenges

Celuluk

Sumber: Daryanto. S.S. Kawruh Bahasa Jawa Pepak. Surabaya: APOLLO LESTARI.