Legenda Rawa Pening Tulungagung

Jaman biyen ing Tulungagung kuwi daerah kang kerep kena banjir, sadurunge nduwe jeneng Tulungagung biyen kuwi jenenge Ngrawa amerga daerahe akeh rawa-rawa kang amba. Salah sijine rawa kang terkenal yaiku Rawa Pening. Konon wilayah Rawa Pening kuwi ora adoh saka Gua Song Gentong. Ngomong babagan Rawa Pening iki mesthi ora lepas kaliyan pusaka Kabupaten Tulungagung jenenge Tombak Kiai Upas.

Asal usul Rawa Pening disebabna anane bocah cilik kang njelma Naga Baru Klinthing kang lidhahe dipedhot kaliyan bapakne. Bocah cilik kuwi jengkel kaliyan tingkah lakune warga, kang ora tau menehi panganan. Saka akehe warga kang pedhuli namung si Mbah. Banjur bocah cilik mau ngadakna sayembara sapa kang bisa njabut lidi ing tancepan lemah.

Nalika bocah cilik kuwi diwenehi panganan kaliyan si Mbah banjur dipangan, rampung mangan bocah cilik kuwi pesen nang si Mbah ben disediakna lesung kaliyan enthong kayu yen kapan-kapan dibutuhna. Krungu apa kang dijaluk bocah cilik mau. Si Mbah bingung, gawe apa lesung karo enthong kayu wong pas wayah kuwi musim kemarau. Nanging kanggo belas kasihan nang bocah kuwi si Mbah akhire nuruti apa kang dijaluk mau.

Rampung ngewanti-wanti si Mbah kang wis mbantu bocah cilik jelmaan Naga Baru Klinting kuwi. Banjur dheweke nang lapangan desa kanggo menehi pelajaran nang warga kang sombong lan ora pedhuli kaliyan manungsa liyane. Nalika ing lapangan bocah cilik kuwi nancepna siji lidi lan kandha “sapa kang bisa njabut lidi kuwi enthuk njukuk nyawaku, nanging nalika ora bisa kudu menehi aku panganan.” Akhire akeh panganan numpuk amerga warga gak ana sing bisa njabut. Amerga kegagalan warga nesu-nesu lan njaluk nang bocah cilik supaya njabut lidi kuwi.

Sadurunge lidi dijabut kaliyan bocah cilik, dheweke kandha yen lidi kuwi dijabut bakal ana mala petaka. Nanging amerga warga nesu-nesu ngongkon njabut, akhire bocah cilik njabut lidi tenanan, nalika lidi dijabut sumber banyune metu, suwe-suwe ing desa kuwi banjir gedhe. Kabeh warga ninggal amerga klelep. Namung siji warga kang slamet ing mala petaka iki, yaiku simbah kang nulung bocah cilik. Si mbah slamet amerga numpak lesung digawe prahu lan enthong kayu kanggo dayunge. Kaya kang tau diomongna Naga Baru Klinthing.

Sumber:

http://jawatimuran.wordpress.com/2013/11/24/legenda-rawa-pening-kabupaten-tulungagung