Sarasehan Budaya Selasa Legen

SARASEHAN budaya selasa legen wujud konservasi budaya ing kampus Unnes. Selasa legen yaiku adicara kang dilaksanakake saben ulan pisan nalika dina senin kliwon sore, kanthi tujuan kanggo nguri-uri budaya jawa lan Indonesia. Uga nduweni upaya nglestarikake lan ngembangna nilai-nilai budaya kanggo ngukuhake konservasi budaya ing kampus Unnes Sekaran.

Wujud selasa legen kang dilaksanakake kaliyan pegiat budaya ing Unnes wis kaselenggarakake kurang luwih 5 taun ing akhir taun 2014. Kang dadi usaha nyedhakake kabudayaan ing kader mudha intelektual kampus. Ora liya mahasiswa asing ing kampus konservasi kuwi ora absen nalika adicara Selasa legen.

Ing selasa legen para budayawan saka tanah jawa diundhang kanggo ngisi adicara menika. Budayawan menika mbagi ilmune ing dosen, tamu undangan, lan utamane para mahasiswa Unnes kang mirsani adicara menika.

Ing pelataran auditorium kampus Unnes Sekaran selasa legen digelar kanthi adicara diskusi budaya kaliyan para budayawan. Uga ana kolaborasi budaya kayata kesenian tari, cokekan, macapatan, klenengan, wayang kulit, gurit lan sanesipun.

Ora lali, ing selasa legen iku diramekake kaliyan para kadang karawitan UKM Kesenian Jawa Unnes. Karawitan kuwi pokok kanggo adicara selasa legen. Nalika temane apa wae mesthi mbutuhake kelompok karawitan. Kayata diskusi penanggalan jawa utawa nanggap wayang, karawitan kudu ana ing adicara iku mau.

Antusiasme mahasiswa kang saka saliyane indonesia nyengkuyung adicara selasa legen kanggo sinau seni lan budaya kang ana ing kampus Unnes. Mangkono iku kang bisa mantepna visi Unnes dadi Universitas Konservasi kang nduweni taraf internasional ing taun 2020.

Pancen Unnes dadekake budaya dadi salah sijine pilar kang nyangga konservasi. Amerga lembaga kuwi sadar yen budaya bangsa hal kang paling dhasar kudu dikembangna ing kampus kang dadi laboratorium keilmuan.

Universitas Konservasi konsisten ora namung kanggo nyuguhake seni tradisi kanggo wujud budaya ing perhelatan. Nanging uga kanggo gawe kajian lan diskusi budaya kanggo upaya telaah kritis ing kedadeyan budaya.

Bareng kaliyan upaya konservasi, penguatan aspek sikap lan prilaku kabeh warga universitas uga lingkungan ing sekitare kang dadekake nilai konservasi dadi wujud program konservasi ing bidang budaya.

Ora liya yen malah akeh warga asing kang seneng lan luwih paham sarta gelem nyinauni kang sejatine ing budayane kita sedaya. Ora banget ngagetake ing jagat kuwi nemokake nama Kitsie Emerson, wadon asli Amerika kang mahir nalika main kendhang lan rebab, Hiromi Khano kuwi sinden saka Jepang lan Christophe Moure kang jago nabuh gamelan uga dhalang saka Prancis.

Ing ngisor payung konservasi budaya, sabenere Unnes nduweni tujuan paling dasar, yaiku nglakoni kaderisasi ben mahasiswa nduweni kesadaran budaya. Perkara kuwi dirasa luwih penting yen budaya dibabar kanggo identitas lan lokalisasi kanggo nglestarikake kudu dijaga.

Kudu lan wajib diakoni, kabudayaan ana ing posisi marginal amerga upaya pamerintah budaya durung dadi prioritas masyarakat. Kaliyan cara ora langsung kita wis pasrah, amerga upaya pamerintah budaya lokal ana ing apa kang asring sinebut dadi pelaku budaya, utawa pegiat budaya lan seniman.

Ing perkara kuwi dibutuhake upaya kang sinergis lan kasinambungan. Ora namung kang nduweni jabatan utawa peran strategis, nanging uga kaliyan kang nduweni rasa lan peduli kaliyan kabudayaan kuwi dhewe. Selasa legen kang kudu diuri-uri kaliyan mahasiswa Unnes.