Sepi

Pasuryanmu kang bening

Tumiba ing lining tirta

Turut pletheking surya

Saya suwe tan saya adoh

Ninggalake sepi

Sepi nyenyet

Tan ana sabawa gumrisiking alang-alang

Aku mung bisa nyawang

Nyawang pasuryanmu kang bagus gemagus

Pasuryanmu kang kagawa ilining tirta

Tirta kang saka turut pinggir kali

Nganti datan katon kasaput pedut

Pedut peteng saka awang-awang

Kang gawe petenging murba jagat

Jagat kang maneka werna

Sepining jagat

Ramenng jagat

Pan jare manungsane

Kang mapan ing kana